Մենյու
image/svg+xml Արարատ Շիրակ Լոռի Տավուշ Արագածոտն Կոտայք Գեղարքունիք Արմավիր Վայոց Ձոր Սյունիք

Գործարար ծրագրեր


Հացի արտադրության ընդլայնում

Ծրագրի շրջանակներում նախատեսվում է ընդլայնել Շիրակի մարզի Արթիկ և Անի քաղաքներում՝ «Ուտամի  հաց» ՍՊԸ -ի հացաբուլկեղենի արտադրությունը: Այժմ ընկերությունը արտադրում է «մատնաքաշ»  հաց, ներդրումից հետո կարտադրվի «թոնրի լավաշ», «կոֆե» հաց  և բուլկի: Հացի առաքումը կատարվում է Արթիկի և Մարալիկի տարածաշրջաններում:

Ընկերությունում աշխատում է 3 մարդ, իսկ ներդրումային ծրագրի իրականացման դեպքում նախատեսվում է աշխատողների թիվը ավելացնել 10-15 հոգով:

Ծրագրի իրականացման համար պահանջվող ներդրումային գումարը կազմում է 12,000,000 ՀՀ դրամ:

Կոնտակտային տվյալներ՝

Սեփականատեր՝ Ռոստոմ Միշայի Խաչատրյան

հեռ.՝ +374 77 22 22 45

էլ-փոստ՝  ggtaah@mail.ru


«Կապսի Ձոր ռեզորթ» հանգստյան գոտու վերականգնում

Ծրագրի իրականացմամբ նախատեսվում է վերականգնել «Կապսի Ձոր ռեզորթ» ՍՊԸ-ի գործունեությունը՝ այս  անգամ  ծառայությունների  նոր  տեսականիով  և  ակտիվ հանգստի  կազմակերպման արդիականացված  կառույցներով  և  «Կապս ռեզորթ» անվանափոխությամբ։

Հանգստյան գոտին ունի մոտ 2 հա տարածք, որտեղ  բացի հյուրանոցային տարածքից, առկա  են նաև անասնագոմ, արհեստական լճակ,  շոգեբաղնիք, անտառ և տաղավարներ,  որոնցից յուրաքանչյուրը  կարելի  է  յուրովի  օգտագործել՝ մատուցելով նոր  ծառայություններ։

Ըստ ծրագրի, ընդհանուր կապիտալի շահութաբերությունը կազմում է 26.1 %, իսկ ծրագրի հետգնման ժամկետը նախատեսված է 6 ամիս:

Ծրագրի իրականացման դեպքում կբացվի 15 նոր աշխատատեղ, իսկ ծրագրի իրագործման համար պահանջվող ներդրումային գումարի չափը՝ ըստ ծրագրի, նախատեսված է 43 000 000 ՀՀ դրամ։

Կոնտակտային տվյալներ՝

Հասցե՝ Շիրակի մարզ, Մարմաշեն համայնք, Կապս բնակավայր

Սեփականատեր՝ Լյուդվիգ Սարգսյան

Հեռ.՝ +37493 00 70 02


Կայուն զարգացման զբոսաշրջության «Բիզնես մոդել» Սարապատ համայնքում

Զբոսաշրջության զարգացմամբ նախատեսվում է Շիրակի մարզի Սարապատ համայնքում իրականացնել պիլոտային ծրագիր, որն իրենից կներկայացնի կայուն զբոսաշրջության զարգացման բիզնես մոդել և որի կիրառումը թույլ կտա համայնքին ստանալ եկամուտ, կնպաստի շրջակա միջավայրի պահպանությանը եւ տեղաբնակների կրթմանն ու վերապատրաստմանը:

Ըստ ծրագրի Սարապատ   համայնքի   ընտրությունը   կատարվել   է   ելնելով   հետևյալից․   համայնքն   ունի զարգացման մեծ ներուժ թե՜ բնակչության ու դրա երիտասարդ կազմի թե՜ որպես ձմեռային հանգստի գոտու կամ սպորտային համալիրի վերածվելու տեսանկյունից։ Սարապատ համայնքին մոտ է նաև հայտնի Թռչկանի ջրվեժը, որը զբոսաշրջիկների համար մեծ հետարարություն է ներկայացնում, և որն ունի մշտական ուշադրության ու վերահսկման կարիք։

Այսպիսով, առաջարկվում է Սարապատ համայնքում ստեղծել տուրիստական այցելությունների բիզնես կենտրոն: Ներդրումային ծրագիրն իրականացնելու է նոր ստեղծվող ձեռնարկության կողմից, որը հիմնում է «Կոմպասս» գիտահետազոտական, կրթական և խորհրդատվական կենտրոն ՀԿ-ն՝ ելնելով իր կանոնադրական նպատակներից։

Ներդրումային նախագծի ընդհանուր արժեքը կազմում է 10 000 000 ՀՀ դրամ, որից 2 000 000 ՀՀ դրամը կազմակերպության ներդումն է: Ծրագրի իրագործման արդյունքում կստեղծվի 7 աշխատատեղ:

Կոնտակտային տվյալներ՝ 

Անվանում՝ «Compass supportind group»

Սեփականատեր՝ Ղարիբ Հարությունյան

Հեռ.՝ +37493 97 29 93

Էլ-փոստ՝ gharutyunyan84@gmail.com


Գյումրու մարզամշակութային կենտրոնի արդիականացում

Գյումրու մարզամշակութային կենտրոնը միակն է քաղաքում և մարզում, որն ունի պրոֆեսիոնալ համերգային դահլիճ՝ նախատեսված 650 հանդիսատեսի համար։ Դահլիճն ու կից կառույցներն ամբողջությամբ իրենց նպատակներին ծառայեցնելու համար անհրաժեշտ են տեխնիկայի արդիականացման, շինության վերանորոգման և գույքի թարմացման աշխատանքներ։

Իրականացվող ներդրումային աշխատանքների ընդհանուր գումարը՝ ըստ ծրագրի, կազմում է 130 մլն ՀՀ դրամ, որից սեփական ներդրման չափը կազմում է 30 մլն ՀՀ դրամ, իսկ հետգնման ժամկետը կազմում է 4.5 տարի:

Ներկայումս Գյումրու մարզամշակութային կենտրոնն ունի 18 աշխատակից, իսկ ներդրումային ծրագրի իրագործման դեպքում նրանց թիվը նախատեսվում է ավելացնել 15-20 աշխատակցով։

Կոնտակտային տվյալներ՝

Սեփականատեր՝ Հրաչիկ Ժորայի Խաչատրյան

Հասցե՝ ք. Գյումրի, Կուրղինյան 1, փկղ. 1

Հեռ.՝ +37498 18 56 77


Ջաջուռի ածխահանքի վերագործարկում

«ԿԱՐԻՆ ԳԵՈ» ՓԲԸ-ն իր գործունեությունը իրականացնում է Հայաստանի Հանրապետության Շիրակի մարզի Ջաջուռ գյուղում: Ծրագրի նպատակն է վերականգնել Ջաջուռի ածխահանքի աշխատանքները: Ընկերության ուսումնասիրությունը ցույց է տվել, որ Շիրակի մարզում և ընդհանրապես ՀՀ-ում Ջաջուռի ածխահանքը միակն է, որ ունի գորշ ածուխ:

Ընկերության կողմից նախատեսված Ջաջուռի ածխահանքի վերաթողարկման համար պահանջվող ամբողջ գումարը կազմում է 145 մլն ՀՀ դրամ, որից պետական աջակցության մասը կազմում է 100 մլն ՀՀ դրամ:

Աշխատողների թվաքանակը ծրագրի իրականացման դեպքում նախատեսվում է 5-ից հասցնել 20-ի: Ծրագրի հետգնման ժամանակաշրջանը 7 տարի է:

Կոնտակտային տվյալներ՝

Բաժնետերեր` Զարզանդ Գրիգորյան, Սուրիկ Այվազյան, Արա Գրիգորյան:

Տնօրեն` Զարզանդ   Գրիգորյան

Հեռ.՝ +37494 11 18 56 ,     +37498 50 86 15

Էլ-փոստ՝   nersisyan62@list.ru


Հնդկացորենի ցանքատարածությունների ընդլայնում Բավրա գյուղում

«Նոր հատիկ» մթերող, վերամշակող, իրացնող կոոպերատիվը՝ ըստ ծրագրի, գործելու է Շիրակի մարզի Բավրա գյուղում՝ ENPARD ծրագրի շրջանակներում:   Գործարանը նախատեսված է երեք մարզի՝ Շիրակ, Արագածոտն և Լոռու 28 կոոպերատիվի 430 անդամների համար:

Ծրագրի իրականացման դեպքում աշխատողների թվաքանակը նախատեսվում է, որ կկազմի 21 հոգի:  Գործարանն ունի մոտ 5000 տոննա վերամշակման հզորություն, որի համար հարկավոր է առնվազն հնդկացորենի 5000-6000 հեկտար ցանքատարածության առկայություն:

Կոոպերատիվի համար բավարար աշխատանքային պայմաններ ապահովելու համար հարկավոր է գազիֆիկացնել գործարանը  և  ձեռք  բերել  ֆոտոսեպարատոր՝ ավելի  մաքուր  և  մրցակից արտադրանք  տալու  համար:   Ծրագրի իրագործման համար պահանջվող ներդրումային գումարը կազմում է 15 մլն   ՀՀ դրամ, որից 5 մլն ՀՀ դրամը նախատեսված է  գազիֆիկացման համար, իսկ 10 մլն ՀՀ դրամը՝ ֆոտոսեպերատորի: Սեփական ներդրումը կազմում է 1.5 մլն ՀՀ դրամ:

Կոնտակտային տվյալներ՝

Զարգացման ծրագրերի, զբոսաշրջության և վերլուծության բաժին

Հեռ.՝ +374312 4 90 00 124     

Էլ-փոստ՝ shirak.tsragrer@mta.gov.am


Մսամթերքի արտադրության ընդլայնում

Ներդրումային ծրագրի իրականացման  արդյունքում ընկերությունը պլանավորում է մեծացնել արտադրության տարածքը, տեսականին ինչպես նաև շուկան, որի արդյունքում կստեղծվեն աշխատատեղեր, կավելանա շրջանառությունը, կմեծանա տեղական հումքի սպառումը և ազգաբնակչությանը կմատուցվի որակով և մատչելի արտադրանք: «Բելիսսիմո գրուպ» սահմանափակ պատասխանատվությամբ ընկերությունն իր գործունեությունը իրականացնում է Հայաստանի Հանրապետության Շիրակի և Լոռու մարզերում: Ընկերությունը շուրջ 7 տարի զբաղվում է մսամթերքի (սառեցված կիսաֆաբրիկատների և երշիկի) արտադրությամբ:

Ընկերության կողմից նախատեսված ֆիրմայի ընդլայնման ծրագրի իրականացման համար անհրաժեշտ ամբողջ գումարը կազմում է 120մլն ՀՀ դրամ: Ծրագրի իրագործման համար ակնկալվող ներդրումային գումարի չափը կազմում է 60 մլն ՀՀ դրամ:

Աշխատողների թվաքանակը ընկերությունում կազմում է 7 հոգի, իսկ ներդրման արդյունքում սպասվում է աշխատատեղերի ավելացում 10-ով:

Կոնտակտային տվյալներ`

Սեփականատեր՝ Երվանդ Ջեյրանյան

Հասցե՝ Ք. Գյումրի Մազմանյան 242

Հեռ.՝ +37494 00 99 07

 Էլ-փոստ՝ belissimo-group@mail.ru


«Խելացի տուն» համակարգի արտադրություն

Հիմնադրամը Հայաստանի Հանրապետությունում վերականգնվող էներգետիկայի և էներգախնայողության ոլորտի նորաստեղծ, բայց բավականին փորձառու աշխատակազմ ունեցող կազմակերպություններից է, որը որոշակի ներդրում ունի երկրում կանաչ տեխնոլոգիաների, վերականգնվող էներգետիկայի, էներգախնայողության և բնապահպանական գաղափարների ու տեղեկատվության տարածման, հետազոտման, կրթության ու մասնագետների վերապատրաստման, կանաչ տեխնոլոգիաների ներդրման ու տարածման գործում: «Կանաչ տեխնոլոգիաների հայկական կենտրոն»-ը ներկայումս առաջարկում է «Խելացի տուն» համակարգի 2 փաթեթ՝ որոնցից յուրաքանչյուրն ունի հետևյալ գործառույթները՝

  • «Խելացի տուն-1». ջեռուցման համակարգի կառավարում (ջեռուցում, օդափոխում), լուսավորության համակարգի կառավարում:
  • «Խելացի տուն-2». ջեռուցման համակարգի կառավարում, անվտանգության համակարգի կառավարում, լուսավորության համակարգի կառավարում, կապի համակարգի կառավարում, հեռակառավարման համակարգի ապահովում:

Հիմնադրամում ներկայումս աշխատում է 4 մարդ, իսկ ներդրումից հետո աշխատողների թվաքանակը նախատեսվում է հասցնել 8-ի:

Ներդրումների հետգնման ժամկետը կազմում է 2.5 տարի:

Ծրագրի իրագործման համար կազմակերպությունը ակնկալում է ներդրում 20,000,000 ՀՀ դրամ գումարի չափով:

Կոնտակտային տվյալներ՝

Հասցե՝ քաղաք Գյումրի, Կարեն Դեմիրճյան փողոց, 3-րդ նրբանցք, 14 տուն

Հեռ.՝ +37477 99 34 77 

Էլ-փոստ՝ greentech.arm@gmail.com


«Մաչանենց տուրիզմ և արտ» սոցիալական ձեռնարկության ընդլայնում

Ծրագիրը նախատեսվում է իրականացնել Արմավիրի մարզի Էջմիածին քաղաքում՝ Հայ Միասնության Խաչ ԲՄՀԿ-ի կողմից:  Ըստ ծրագրի ընդլայնվելու է «Մաչանենց տուրիզմ և արտ» սոցիալական ձեռնարկությունը, որը գործում է 2010 թվականից: Ծրագրով նախատեսվում է  ընդլայնել մատուցվող ծառայությունները, բարելավել մատուցվող ծառայությունների որակ: Ծրագրի շրջանակներում կառուցվելու է Նոյի տապանը հիշեցնող կառույց, որտեղ այցելուները կարող են ըմպել գինի և հանդիպել Նոյի կերպարը մարմնավորող դերասանի հետ:

Սոցիալական ձեռնարկությունում աշխատատողների թիվը կազմում է 9, ծրագրի իրականացումից հետո աշխատողների թվաքանակը կհասնի 21-ի։

Ներդրումային ծրագրի ընդհանուր արժեքը կազմում է  35 000 000 ՀՀ դրամ,  որից 10 000 000 ՀՀ դրամն կներդրվի  «Մաչանենց տուրիզմ և արտ»  ձեռնակության կողմից:

Կոնտակտային տվյալներ՝

Նարինե Մուրադյան 

հեռ.՝+374 93 78 16 89

էլ-փոտս՝  n.muradyan@mta.am


Ինովացիոն Էթնիկ Մարզային Կենտրոնի  գործունեության ընդլայնում

Ծրագրով նախատեսվում է ընդլայնել Արմավիրի մարզի Էջմիածին համայնքում՝ «Հայ Միասնության Խաչ» բարեգործական մշակութային հասարակական կազմակերպության կողմից հիմնադրված Ինովացիոն Էթնիկ Մարզային Կենտրոնի  գործունեությունը:  Կենտրոնը գործում է 2016 թվականի նոյեմբերից և այստեղ մասնագիտական գիտելիքներ են ստացել շուրջ 250 պատանի և երիտասարդ։ Ըստ ծրագրի նախատեսվում է Ինովացիոն Էթնիկ Մարզային Կենտրոնում իրականացնել ժամանակի պահանջների համապատասխան ծրագրավորման լեզուների՝ JAVA/Android, Swift/Xcode, Python, JavaScript/JQERY, PHP և MySql, HTML/CSS/Bootstap ուսուցանում։ Կենտրոնի համալրումը համապատասխան նյութատեխնիկական բազայով և մասնագետներով հնարավորություն կտա պատրաստել ՏՏ ոլորտի որակյալ մասնագետներ, որոնք պահանջված կլինեն ոչ միայն հայկական, այլև միջազգային շուկայում։ Ինովացիոն կենտրոնում կրթությունը անվճար է։

Ներկայումս կենտրոնում աշխատում է 6 հոգի, ծրագրի իրականացման արդյունքում աշխատատեղերը կավելանան ևս 7-ով:

Ծրագրի  իրականացման համար  պահանջվում է  13 250 000 ՀՀ դրամ:

Կոնտակտային տվյալներ՝

Գրիգոր Բաբախանյան 

 հեռ.՝  +374 93 69 91 36

  էլ-փոստ՝ grigcross@gmail.com



  •  



Միացեք մեզ
facebook twitter Youtube
location

ՀՀ, Երևան 0010, Հանրապետության հրապարակ, Կառավարական տուն 3

phone

(+374)  11 526918

Job time

Աշխատանքային ժամեր՝
երկուշաբթիից-ուրբաթ, 9:00-18:00

e-mail

info@regions4growth.am

ներդրումային ծրագրերի հարթակ Բոլոր իրավունքները պաշտպանված են © 2019